Baztani 2-1 irabazi zion eta Goizueta eta Lesakaren arteko bigarren finalerdiko irabazlearen kontra ariko da uztailaren 4an Labriten
Ortzegunean Labriten jokatutako finalerdiko lehen partidan, benjamin mailan, Berako Unai Mikelperizenak eta Juel Igoak 18-7 irabazi zieten Baztango Peio Anbustegiri eta Ibai Etxenikeri.
Bigarrenean, aldiz, alebin mailan, Baztango Mikel Agerraldek eta Oihan Etxenikek 18-9 irabazi zieten Berako Unai Kortari eta Gexan Lizardiri.
Gauzak honela, infantil mailako partidan erabaki zen finalista eta Berako Erik Igoak eta Eñaut Zubietak ez zieten aukerarik eman Baztango Mattin Rekalderi eta Julen Agestari, 18-2 irabazi baitzuten.
