Familientzako, ikastetxeentzako eta udalekuentzako eskaintza dute; «orain ikastola aunitz etortzen dira, batez ere oporren aitzinetik, 35-200 lagun arteko taldeetan». Izan ere, «parkeak 327 haurrentzako lekua dauka, baina jendea bere kabuz etortzen denean 140 haur bakarrik uzten ditugu sartzen, askatasun gehiago izan dezaten eta gurasoek ere tokia izan dezaten».
Urtebetetzeak ere «aunitzetan» ospatzen dituzte; «3 orduko joko saioa izaten dute eta merienda ere eskaintzen diegu. Aste tartez zein asteburuetan, goizez eta arratsaldez egiten dira».
Azaldu dutenez, «haurren aisialdiaren munduan joera moderno aunitz izaten dira, baina haurrei beti gustatuko zaie txirrista batetik jaustea edo bola igerilekuetan ibiltzea. Hori ez da inoiz aldatu».