10:30ean hasiko da azoka, eta ordu berean, Arribeko elkartean, joan den urteko Emakume Artzainen Egunean omendu zituzten Larraun-Lekunberriko eta aurten omenduko dituzten Araitz-Betelu bailarako emakume artzainen topaketa eginen dute. 12:30ean omenaldia plazan eginen dute, eta aldi berean, denboraldiko gazta berria moztuko dute. Goizean, gaztagintza erakustaldia eta artzainen kale animazioa eginen dituzte Orritz-Iskdi artaldearekin.
Azoka, berriz, 22 postu jarriko dituzte, tartean eskualdeko batzuk: Goizuetako Domiña betizu haragia eta hestebete ekologikoak, Leitzako Saralegi Taloak eta Baztango Pittika gasna ekologikoa.
Bederatzi azoka
- Apirilaren 16an, Arriben (Araitz).
- Maiatzaren 14an, Arruitzen (Larraun). Aldi berean, latxa arrazako ahari genomikoen enkantea eginen dute.
- Ekainaren 3an, Goizuetan. Egun horretan txundar eguna eginen dute.
- Ekainaren 25ean, Lekunberrin.
- Uztailaren 2an, Latasan (Imotz).
- Uztailaren 30ean, Jaunsaratsen (Basaburua).
- Irailaren 10ean, Leitzan. Egun horretan talo eguna eginen dute.
- Irailaren 24an, Areson.
- Urriaren 8an, Beuntzan (Atetz).