Dagoeneko produktu batzuk agortu badira ere, oraindik bertako oliba-olio birjina estra eta kontserba, arroz, lekale eta pasta sortak eska daitezke, euskaraz etiketatuta eta ekoizlearen jatorrizko prezioan.
Bi bide daude eskaerak egiteko:
- Online, errigora.eus webgunean.
- Eta, sarean eskaerak egiteko gai ez direnentzat, telefono bidez, Hego Euskal Herritik +34 848 87 12 23 eta Ipar Euskal Herritik +33 532 09 35 45 telefono zenbakira deituta.
Eta TTIPI-TTAPAren Errigorako lehiaketan parte hartu ez duenak ere, gaur du horretarako azken eguna. Lehiaketan parte hartu eta erantzun guztiak asmatzen dituztenen artean Errigorako produktuekin osatutako bi kutxa zozkatuko ditu TTIPI-TTAPAk.
