Koronabirusa

Baztan-Bidasoaldeko 9 eta 11 urte bitarteko 300 haurrek baino gehiagok hartu dute txertoa hartzeko hitzordua

Ttipi-Ttapa 2021ko abe. 15a, 11:00

Gaur arratsaldean hasiko dira Donezteben Covid-19aren aurkako txertoak haurrei paratzen. Koronabirusa pasatu ez duten Baztan, Bertizarana, Bortziriak eta Malerrekako 9, 10 eta 11 urteko neska-mutikoekin hasiko dira.

Osasun Departamentuak 9, 10 eta 11 urtekoak lehenetsi ditu eta gaitza pasatu ez duten adin horretakoak hasiko dira gaur Doneztebeko kiroldegian txertatzen. 16:00etatik 21:00etara ariko dira.

Monica Martin Doneztebeko osasun etxeko zuzendariak adierazi duenez, «300 haur baino gehiagok hartu dute hitzordua, baina hutsune aunitz gelditzen dira oraindik». Gaineratu duenez, «sistema informatikoa arazoak ematen ari dela uste dugu» baina «goizean hitzordu gehiago» emanen dituztela azpimarratu du. «Astelehenean SMS mezua bidali zieten familiei link bat bidaliz, eta hortik har dezakete ordua». Oroitarazi duenez, «aitarekin, amarekin edo tutorearekin ez doazen haurrek, sinatutako baimena aurkeztu behar dute».

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun