Koronabirusa

Auzitegi Nagusiak Covid pasaportea baimendu du Nafarroan: aste honetan bertan jarriko dute indarrean

60 lagunetik gorako edukiera duten jatetxeetan, diskoteketan eta izaera kulturaleko ekitaldi jendetsuetan sartzeko eskatuko da, bai eta barrualdeetan egiten diren ekitaldi jendetsuetan ere, horietan jateko edo edateko aukera izanez gero. Oraingoz, neurri hau azaroaren 27tik urtarrilaren 7ra egonen da indarrean.

Nafarroako Auzitegi Nagusiak bere autoan, Auzitegi Gorenaren jurisprudentzia eta Nafarroako Gobernuak emandako txostenak ikusita, «foru aginduan erabakitako neurriak egokiak, beharrezkoak eta proportzionatuak direla» ebatzi du.

Horri dagokionez, magistratuen erranetan «transmisioa saihesteko neurriak aplikatzean, Covid ziurtagiria bertze tresna bat da, eta eragin txikiagoa du oinarrizko eskubideetan, bertze neurri biziago batzuekin alderatuta».
 
Epaileek diotenez, «erabakitako neurriek mugapen arina dakarkie eragindako oinarrizko eskubideei» eta, «neurri horien izaera teleologikoa kontuan hartuta, proportzionatuak dira», azpimarratu dute.
 
Era berean, epaileek eremu geografikoa —Nafarroa Garaiko eremu osoa— eta Covid ziurtagiria eskatzeko denbora-muga (azaroaren 27tik urtarrilaren 7ra) bermatu dituzte.
Erlazionatuak

Nola lortu Covid pasaportea Nafarroan: jakin behar duzun guztia

Mendialdea

COVID ziurtagiria Osasun Karpeta Pertsonalaren webgunetik deskarga daiteke, eta telefono mugikorrean gorde edo inprimatu nahiago izanez gero.  

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun