COVID-19: Azken datuak

Bi positibo gehiago atzeman dituzte azken datuen arabera, biak Beran

Ttipi-Ttapa 2021ko ots. 27a, 07:52
12 eta 29 urte bitarteko gazteen eta 60 urtetik goitiko helduen artean, 1.079 herritar deituak zeuden COVID-19aren antigeno testa egitera.

Gaur publiko egin dituzten datuen arabera, bi positibo gehiago erregistratu dute gure lurraldean, biak Beran. Azkeneko bi kasu hauek kontatuta, 32 kasu positibo atzeman dituzte Beran otsailaren 1az geroztik. Baheketa urtarrilaren 31n egin zuten. Nafarroa osoko azken datuei erreparatuta, positibotasun tasa %2,4koa da eta COVID-19agatik gaixotuta ospitalean 89 pertsona zeuden (horietatik 19 ZIUn). Atzeman zituzten 45 kutsatuen batez bertzeko adina 34,5 urtekoa da. Iazko martxoaz geroztik COVID-19aren ondorioz Nafarroan hildakoen kopurua 1.096koa zen atzo.

Gure lurraldean pandemiaren hasieratik metatutako positiboak errepasatuz gero, 408 dira Doneztebeko osasun eremuan (Malerreka+Bertizarana) atzeman dituztenak, 579 Elizondoko eremuan  (Baztan+Urdazubi+Zugarramurdi), 262 Leitzako eremuan (Arano+Areso+Goizueta+Leitza) eta 466 Bortzirietan.

Nafarroa osoko datuei dagokionez, atzo, otsailak 26, 1.894 proba egin zituzten (1.162 PCR eta 732 antigeno proba) eta horietatik 45ek positibo eman zuten (%2,4)

COVID-19ak jota, atzo, otsailak 26, 4 pertsona ospitaleratu zituzten Nafarroan, horietatik 1 ZIUn, eta 0 hildakoren berri eman zuten. Alta eta bajen balantzea egin ondotik, orain 89 daude ospitalean, horietatik 19 ZIUn.

Ikuspegi geografikotik, Iruñean eta Iruñerrian daude positiboen %53, Tuteran %13 eta Lizarran %2. Gainerako positiboak (%32) Nafarroako bertze eskualde batzuen artean daude banatuak.
Txertaketa-planari dagokionez, Nafarroan 61.376 pertsona txertatu dituzte atzoko egunera arte. Atzo, otsailak 26, 2.037 txerto paratu zituzten eta, oraingoz, 22.283 pertsonek hartu dituzte bi dosiak.
 

Adin-tartekako kasuen banaketari dagokionez, talde nagusiak 45 eta 59 urte bitartekoak dira (%27), eta 15-29 urtekoak (%24). Ondotik, 15 urtetik beherakoak daude (%22), eta 30-44 urtekoak (%16). Azkenik, 60 eta 75 urte bitarteko taldea dago (%7) eta 75 urtetik gorakoena (%4). Positibo berrien batez bertzeko adina 34,5 urtekoa da. Generoari dagokionez, % 56 emakumeak dira eta % 44 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 51.132 pertsonakoa da, eta heriotza kopurua 1.096koa.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun