Sasoi honetan, lagun talde aunitzen bilgune izan ohi dira igerilekuak, zuhaizpeko solasaldiez gozatzeko eta uretan murgiltzeko aukera ezinhobea eskaintzen baitute.
Aurten, eskualdean, Sara, Lesaka eta Berakoarekin batera, Baztango Giltxaurdi udal kiroldegikoak eta Erratzuko kanpinekoa dira ireki dituzten bakarrak; eta horiek ere, ez dute ohiko irekiera izan, edukiera mugatuta ari dira lanean, segurtasun neurriak zorrotz betez.
Erratzuko kanpinean sorosle ari den Lorea Lizarretak eta Elizondoko Giltxaurdi kirol instalazioetako igerilekuko Ane Dendarietak lan handia izanen dute aurten, baina horretarako «prest» daude. Sorosle lanak egiteaz gain, erabiltzaileek arauak betetzen dituztela egiaztatu beharko dute.
Eurek ez ezik, erabiltzaileek ere neurriak betetzeak instalazioei ematen dien segurtasunaz solastatu dira.
