COVID-19: Azken datuak

Gorakada handia positiboen kopuruan, batez ere Elizondoko eremuan; atzo 86 ziren, gaur 104 dira

Azkeneko orduetan %14 igo da erregistratutako positiboen kopurua lau osasun eremuen artean. Gaur, maiatzak 20, 180 positibo daudela diote datu ofizialek, atzo baino 22 gehiago. Igoerarik handiena Elizondoko eremuan gertatu da. Gaur 104 positibo daude Elizondoko eremuan (Baztan+Urdazubi+Zugarramurdi), atzo baino 18 gehiago, 46 Malerreka-Bertizaranan, 10 Leitzako eremuan (Arano+Areso+Goizueta+Leitza) eta 20 Bortzirietan. Zenbaketa hauetan sartzen dira bai PCR proban positibo eman dutenak, bai eta antigorputzen test azkarrean positibo eman dutenak ere. Joan den asteazkenean 135 positibo zeuden erregistratuak lau osasun eremuen artean. Gaur, datu ofizialen arabera 180 positibo daude erregistratuak. Gorakada aste batean %33koa da.

Erlazionatuak

Osasunbidearen arabera, Nafarroan azkeneko orduetan pertsona bat hil da koronabirusak jota

Mendialdea

Datuen eguneraketa: maiatzak 20, 17:00etan   |   Osasunbideko azken datuen arabera, Nafarroan pertsona bat hil da Covid-19 birusak jota. ...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun