Birusak gure artean segitzen du: Doneztebeko eremuan 6 positibo gehiago atzeman dituzte eta Elizondokoan bertze bat

Oraingoz ez dago lasaitzeko motiborik. Maiatzaren 9ko datu ofizialen arabera, 118 positibo aktibo daude lau osasun eremuen artean, atzo baino 7 gehiago: 72 Elizondoko eremuan (Baztan+Urdazubi+Zugarramurdi), 29 Malerreka-Bertizaranan, 6 Leitzako eremuan (Arano+Areso+Goizueta+Leitza) eta 11 Bortzirietan. Zenbaketa honetan soilik PCR proban positibo eman dutenak sartzen dira.