Koronabirusa

Sardetik Sardeskara ekimenean parte-hartzeko gonbidapena egin die INTIAk elikagaien ekoizleei

Nafarroako 57 herritako 65 ekoizle baino gehiagok eman dute izena Sardetik Sardeskara programan.

INTIA Nafarroako Gobernuko Landa Garapen eta Ingurumen Departamentuari atxikita dagoen sozietate publikoa da, eta Sardetik Sardeskara ekimenaren bultzatzailea. Duela hilabete bat abiatu zuten nekazaritza- eta abeltzaintza-ustiategiari lotutako produktuak zuzenean etxez etxe saltzeko ekimen hau eta, orain, orduan animatu ez ziren ekoizleei ekimenean parte-hartzeko gonbidapena egin die espresuki.

 

Ekimen honetan parte-hartu nahi duten ekoizleek inprimaki hau bete beharko dute eta, hartara, euren produktuak zuzenean etxez etxe saltzeko prestatua duten mapan agertuko dira. Oraingoz, Nafarroako 57 herritako 65 ekoizle baino gehiagok emana dute izena ekimen honetan (hemen duzue zerrenda). Zerrenda horretan hainbat erosketa-bide zehazten dira, hala nola telefonoa, posta elektronikoa edo whatsapp zenbakia, eta produktuen ezaugarriei, gutieneko eskaerei edo banaketa-eremuei buruzko informazioa ere ematen da.

Produktuen arabera, 28 esneki-ekoizleak dira, 10 haragi-ekoizleak, 9 ezti-ekoizleak, 7 barazki-ekoizleak, 5 ardo-ekoizleak eta bertze hainbat ekoizlek olioa, intxaurrak eta bertze gisako produktuak saltzen dituzte. Zerrendan 7 plataforma kolektibo ere ageri dira. Plataforma horietan hainbat ekoizle-taldek produktu anitzeko saskiak eskaintzen dituzte.

Erlazionatuak

Sardetik sardeskara, baserriko elikagaiak etxera zuzenean

Mendialdea

Covid-19aren pandemiak hainbat zailtasun ekarri dizkio zuzenean saltzen zuten nekazari eta abeltzainei. Etxean bertan saltzen zutenek edota feria e...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun