Koronabirusa

Sardetik sardeskara, baserriko elikagaiak etxera zuzenean

Covid-19aren pandemiak hainbat zailtasun ekarri dizkio zuzenean saltzen zuten nekazari eta abeltzainei. Etxean bertan saltzen zutenek edota feria eta merkatuetara joaten zirenek arazo larriak dauzkate orain salmentarekin segitzeko. Egoera honek ekoizleak eta kontsumitzaileak kaltetzen ditu.

Mugikortasun orokorraren mugak ez du eragozten nekazaritza-ustiategien titularrek ekoizten dituzten elikagaiak etxez etxe banatzea, bai zuzenean bai mezularitza bidez, betiere segurtasun-arau guztiak aplikatuta pertsonen osasuna bermatzeko, eta Nafarroako Gobernuak horretarako ezarritako protokoloa kontuan hartuta.

Elikagaien zuzeneko erosketa mantendu eta errazteko, ekoizleekin harremanetan jartzeko beharrezkoa den informazioaren zerrenda duzue hemen (zerrenda deskargatu). Bi banaketa-modalitate daude: batetik ekoizle talde batek produktu anitzeko saskiak eskaintzeko bere produktuak bateratzen dituen plataforma kolektiboak, eta, bertzetik, banaka ekoizten eta merkaturatzen dituzten pertsonak.

Kalitatezko tokiko produktuak dira, baserritik mahaira zuzenean doazenak.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun