Apirilean langabeziak %12,24 egin du gora Bidasoan eta %23,6 Leitzaldea-Larraunen

Argazkian Doneztebeko enplegu agentziaren bulegoa

Kontuan hartu behar da datu hauetan ez daudela kontatuak ERTE espedienteekin lanik gabe gelditu diren langileak. Ikusi beherago eskualde guztietako datuak.

Langabeziari buruzko apirileko datuak eman ditu ezagutzera Nafarroako Gobernuak. Herrialde osoan 6.467 langabetu gehiago zenbatu dituzte apirilean eta guztira, orain 40.442 langabetu daude erregistratuak. Martxoko datuekin konparatuta %8,2 egin du gora kopuruak, eta konparazioa joan den urteko apirileko datuekin eginez gero, igoera %24,1ekoa da (7.841 langabe gehiago aurten). Eta lan-kontratuaren kopuruari dagokionez, 2019ko apirileko datuekin konparatuz gero %59 murriztu da Nafarroan zeuden lan-kontratuen kopurua.

Datuak erakusteko, Nafarroa 14 eremutan banatuta du gobernuak. Sailkapen horren arabera, gure eskualdeko herriak eremu horietako bitan daude sailkatuak: Bidasoan eta Larraun-Leitzaldean.

LANGABEZIAREN BILAKAERA
Epealdia: 2020ko otsailak 29 -> apirilak 30
  Eremua Kopurua % Bilakaera
1 Bidasoa 78 % 12,20
2 Larraun-Leitzaldea 49 % 23,60
3 Sakana 185 % 20,70
4 Pirinioak 45 % 45,90
5 Pirinioaurrea 79 % 26,50
6 Iruñerria - Erdialdeko bailarak 336 % 26,10
7 Iruñea 3.865 % 21,60
8 Zangozaldea 46 % 11,00
9 Jurramendi 275 % 15,60
10 Lizarraldeko Erribera 7 % 0,40
11 Izarbeibar-Nobenera 102 % 17,30
12 Tafalla-Erriberri 206 % 15,90
13 Erribera Garaia 186 % 14,10
14 Ebroko Erribera 1.008 % 18,00
  GUZTIRA 6.467  

Egin klik maparen gainean datuak ikusteko

Erlazionatuak

Baztan-Bidasoan 278 aldi baterako enplegu-erregulazio aurkeztu dira, eta guztira 3.154 langileri eragin diete

Mendialdea

Manu Aierdi Garapen Ekonomiko eta Enpresarialeko kontseilariak gaur eman ditu ezagutzera Nafarroako datuak. Aierdiren arabera, alarma-egoera amaitu...
Martxoan langabeziak %6,4 egin du gora Doneztebeko enplegu agentzian

Mendialdea

Nafar Lansarek gaur eman ditu ezagutzera langabeziari buruzko martxoko datuak. Doneztebeko enplegu agentziak 47 langabetu berri erregistratu ditu e...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun