Baztan-Bidasoan 278 aldi baterako enplegu-erregulazio aurkeztu dira, eta guztira 3.154 langileri eragin diete

Ttipi-Ttapa 2020ko api. 20a, 18:30
Manu Aierdi Garapen Ekonomiko eta Enpresarialeko kontseilaria

Manu Aierdi Garapen Ekonomiko eta Enpresarialeko kontseilariak gaur eman ditu ezagutzera Nafarroako datuak. Aierdiren arabera, alarma-egoera amaitu ondotik, aurkeztu diren enplegu-erregulazioko espedienteen %99ak lanpostuei eutsiko diete, hau da, jarduera etenda egoteagatik aurkeztu dira. Martxoaren 13az geroztik Nafarroako Lan Zerbitzuak 6.595 espediente erregistratu ditu, eta espediente horiek 55.486 langileri eragin diete.

Zerbitzuen sektorea da kaltetuena, nabarmen, erregistratutako espedienteen  %84  zerbitzuen sektorekoa baita. Segidan, Eraikuntza sektorea dago, espedienteen % 5,2rekin.

Kaltetutako langileen ia erdiak (% 47,69) enpresa txikietakoak eta mikroenpresetakoak dira (50 langiletik beherakoak), eta mikroenpresa hauei dagokie aurkeztu diren enplegu-erregulazioko espedienteen % 95,7a.

 

ERTE eta kaltetutako langile kopuruak eremuka

EREMUA ESPEDIENTEAK LANGILEAK Eremuko langileen %
Nafarroako erdialdea 4.142 37.612 %67,8
Baztan-Bidasoa 278 3.154 %5,7
Lizarraldea 338 1.831 %3,3
Nafarroako ipar-mendebaldea 258 2.087 %3,8
Pirinioak 72 462 %0,8
Tuterako Erribera 777 4.844 %8,7
Arga eta Aragon ibaiertzak 191 2.206 %4
Ebroko Erribera 233 1.177 %2,1
Zangozaldea 55 322 %0,6
Tafalla-Erriberri 232 1.631 %2,9
Zehaztu gabe 19 260 %0,3
GUZTIRA 6.595 55.486 %100
Ekonomia

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun