Elizondon bertze lau positibo gehiago eta Donezteben bertze bat, gainerako eremuetan berdin

Gaurko datu ofizialen arabera, bertze 5 positibo aktibo erregistratu dituzte eskualdean. Hartara, lau osasun eremuen artean 65 positibo aktibo daude orain: Elizondon 39 (horietatik gutienez 25 zahar etxekoak ziren), Donezteben 17, Leitzan 2 eta Lesakan 7. Zenbaketa honetatik kanpo gelditzen dira, adibidez, laborategi pribatuek Elizondoko zahar etxean egindako testak eta, joan den astean egindako azterketan, 76 positibo erregistratu zituzten Elizondoko zahar etxean.