Elizondon bertze hiru positibo gehiago eta Donezteben bertze bat, gainerako eremuetan berdin

Gaur argitaratu dituzten datu ofizialen arabera, bertze 3 positibo erregistratu dituzte eskualdean: 2 gehiago Elizondoko osasun eremuan eta bertze bat Doneztebekoan. Hartara, 66 positibo aktibo daude erregistratuak lau osasun eremuen artean: Elizondon 41 (atzo baino 3 gehiago), Donezteben 16 (atzo baino bat gehiago), Leitzan 2 eta Lesakan 7 (azken hauetan ez da aldaketarik aspalditik). Zenbaketa honetatik kanpo gelditzen dira, adibidez, laborategi pribatu batek Elizondoko zahar etxean egindako testak eta, atzoko datuen arabera, 76 ziren positibo eman zutenak.