TRADISNA eta ANET garraiolarien elkarteek eta CEN Nafarroako enpresarien Konfederazioak ez dute egokia ikusten Iruñea eta Behobia lotzen dituen bidea 2+1 errepide mota bihurtzea eta arazoaren «benetako soluzioa» autobidea bihurtzea dela adierazi dute. Aldi berean, eskualdeko udalek egindako eskariaren kontra, A-15 errepidetik desbideratzeko aukerari ezezko argia erran diote eta desbideratzea erabakiko balitz, epaitegietara joko dutela eta kalte-ordainak eskatuko dituztela azaldu dute.
Eskualdeko garraio-enpresa batzuk TRADISNA eta ANETeko bazkide dira. ANETen kasuan, Baztanesa Baztango autobus enpresa eta Transibardin Alkaiagako garraio-enpresa bazkideak dira. TRADISNAk ere badu eskualdeko ordezkaritza. Iñaki Goñi Otxandorena zuzendaritza batzordeko kidea da.