Egun gutxitan babes handia jaso du kamioien trafikoa matrikularen arabera mugatzeko eskaerak. Bortz egunetan 1.145 lagunek sinatu dute. Gehiago ere bada. Herritar anitzek babesa adierazteko mezuak utzi dizkiete. Tartean, Olagueko herritar batek kamioiak murrizteko egiten ari diren guztia eskertu nahi izan die.
Hilabete pasatxo da Mikel Manzano Altunak Olaguen izandako auto-istripuan bizia galdu zuenetik. Manzano-Altuna familiak N-121-A errepidean «kamioiak murrizteko» eskaera egina du eta Osoigo.com plataformaren bidez laguntza eskatua du.