09:00

Doneztebeko feriak

Betiko osagaiak ongi nahastea da giltza Baztanen aurrena, Malerrekan hurrena; azaroaren 15ean ailegatuko da feria giroa Doneztebera. Bertze behin ere, begi bat aski izanen du saltzaileak eta ehun ez ditu sobera izanen erosleak. Menditik karrikarako bidea hartuko dute aziendek eta saltzaileen ehunka postu izanen dituzte bisitariek esperoan. Sakelak eta mingainak astindu ondotik,  mokadutxoa egin edo zerbait jateko aukera ere ez da faltako. Arratsaldean, herri-kirolak tartea izanen du Ezkurra pilotalekuan eta bestazaleek egunari bukaera borobila emateko aukara izanen dute ostatuetan. Osagai horiek guztiak nahasten dituenak feria egun borobilaz gozatuko du!

17:30

19:00

Erretzeari uzteko tailerra urriaren 28tik abendura

Izen-ematea dagoeneko zabalik da, Doneztebeko osasun etxean bertan jakinaraziz edo erizainarekin harremanetan jarriz.

17:00

20:00

Komunikatzeko era egokia lantzeko tailerra Donezteben

San Migel ikastetxean, 17:00etatik 20:00etara Euskarabideak antolatuta, ondoko bi asteazkenetan, blogetan eta sare sozialetan komunikatzeko modu egokia lantzeko tailerra eginen dute Doneztebeko San Migel ikastetxean. Hasiera batean urrian egitekoa zen, baina Malerrekako Euskara Zerbitzutik jakinarazi dutenez, azaroaren 7ra eta 14ra eginen dituzte.

12:00

23:00

Aurtizko San Martin bestak

Ortziralean herri-bazkaria izanen dute eta larunbat gauean Kupela taldeak girotuko du plaza bazterra Lau egunez, azaroaren 8tik 11ra, hamaika ekitaldiz gozatzeko aukera izanen dute herritar eta bisitariek Aurtitzen. Ortzirale eguerdian lehertuko den etxafuegoak emanen die hasiera bestei eta patata tortilla eta postre dastaketarekin goxatuko dute besta bukaerak utzitako zaporea.