Iruñeko Tomate Zaharraren XI. Lehiaketan ere bigarren saria eskuratu du Sunbillako Isabel Gagok

Ttipi-Ttapa 2026ko irailaren 8a

Iruñeko Tomate Zaharren XI. Lehiaketako hiru tomate onenen saridunak (tartean Isabel Gago sunbildarra), epaimahaiko kideekin.

Doneztebeko Tomate Zaharren 2. Lehiaketa egin zen abuztuaren 30ean eta Sunbillako Isabel Gagok bigarren saria eraman zuen etxera, baita bertako tomate hoberenaren sari berezia ere. Ondoko igandean, irailaren 6an, Iruñean egin den Tomate Zaharren lehiaketaren hamaikagarren edizioan ere, 38 tomate barietateren artean bigarren saria eta bertako tomate hoberenaren saria eskuratu ditu Gagok, Sunbillako Tomate Arrosa barietateko buruarekin. Ehun euro eskuratu zituen bigarren sariarengatik eta bertze horrenbertze tokiko tomate hoberenaren sariarengatik.

Iruñean aurkeztutako 38 tomate barietateen artean, tokiko tomate hoberenaren saria ere eskuratu du Isabel Gagok

Lehenbiziko saria Iruñeko Gorka Olaguek eskuratu zuen, Moya Verde barietateko ale batekin eta hirugarren saria Biguezaleko Fermin Santosek eskuratu zuen, honek ere Sunbillako Tomate Arrosa barietateko tomate buru batekin.

Epaile buru Gasterea elkarteko Karlos Larrea aritu zen eta epaimahaia honako hauek osatu zuten: Aitzol Zugasti (gastronomia kazetaria), Silvia Ros (Alimenta Valores), Francisco Felipe (La Huerta Ecológica de El Escorial), Goiza Isiegas (Akari Gastroteka), Santiago Palazuelos (Simientes Infinitas de Torrelavega) eta Eneko Izkue (Bascque Culinary Center).

Gizartea Iruñea Malerreka Sunbilla

Erlazionatuak

Tomate zaharren lehiaketa egin zuten atzo Donezteben

Ttipi-Ttapa abu 31 Malerreka Doneztebe

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun