Donezteben 47 tomate lagin aurkeztu zituzten
Lehen saria Aretxabaletako Juan Pedro Santosek ekarri zuen tomate more batentzat zela erabaki zuen epai mahaiak. Bigarren saria Sunbillako Isabel Gagok eskuratu zuen, Sunbilla arrosa barietateko tomate batekin, eta hirugarren saria Lesakako Jose Mari Etxepetelekurentzat izan zen, Igantzi arrosa barietateko tomate batekin. Bertako tomate onenaren Sari Berezia ere Sunbillako Isabel Gagok eskuratu zuen, Sunbilla arrosa barietateko ale ederrarengatik.
Bertze behin, argi gelditu da Nafarroa iparraldeko inguru hauetan bertako tomate barietateak zaintzeko ahalegin handia egiten dela. Izan ere, horren froga da atzo 47 buru aurkeztu zituztela Doneztebeko Tomate Zaharren 2. Lehiaketara.
Larunbatean Mendigorrian eta atzo igandea Donezteben egindako lehiaketei segida emateko, irailaren 6an Iruñeko Runa parkean, Iruñeko hamaikagarren lehiaketa eginen dute. Bezperan, Geltokiko Ekomerkatuak tomateei eskainiko dio eguna eta postuez gain, 'El mundo del tomate' hitzaldia eta ekologikoak diren tomate dastaketa eskainiko da.
Sariak dirutan eta baratzeei errekonozimendua
