Hirugarren mailako estreinaldian kategoriako liderra da Doneztebe Futbol Taldea

6-0 irabazi zuen igandean Donezteben lehen partida historikoa eta Baztanek ere garaipenarekin abiatu du liga lehen maila autonomikoan

Irailean sartuta, 2026-2027 denboraldiari ekin diote eskualdeko zenbait kirol taldek. Futbolean, erraterako, bere historian kategoriarik handienean, 3. RFEF mailan estreinako partida jokatu du Doneztebe Futbol Taldeak etxean, igande arratsaldean. Ez nolanahi gainera, 6-0 irabazi baitio Zangozako Cantolagua taldeari eta denboraldiko lehen liderra da Doneztebe. Oraindik bide luzea eta zaila izanen da maila mantentzeko helburuan, baina kategoriari beldurra uxatzeko moduko garaipena lortu du. Baztan Futbol talde nagusiak, joan den asteburuan Superkopa irabazi ondotik, ligari ekin dio Nafarroako lehen maila autonomikoan Giltxaurdin. Hauek lan gehiago egin behar zuten, baina partida kasik akitua zenean lortutako bi golei esker, garaipenarekin hasi dute sasoia.