Jantziak ez ezik, bitxiak, poltsak, fularrak eta bertzelako osagarriak ere ditu salgai. Hala ere, «eguneroko arropa» da gehien saltzen duena, eta udazkeneko kanpainarekin dago orain. «Astero gauza berriak sartzen ditut, eta jendeak hori eskertzen du. Herri ttiki batean berritasunak ekarri behar dira».
Gainera, «denda ttikietan tratu hurbilagoa eta konfiantza haundiagoa izaten da bezeroarekin». Hala ere, «bertze modu batera funtzionatzen hasi gara, indibidualistagoa, erosketak Internetez egiten… dendak ixten ari dira eta herriak itzaltzen hasi dira, eta pena da. Hemen gaude, aukera haundiak ditugu eta bertze denden prezio berdinak. Jendea beldurrik gabe hurbiltzera animatu nahiko nuke, lasai sartu, atera, ikusi eta probatu».