Bi urtez ospatu ezinik egon ondotik, aurten bai, San Martin bestak ospatuko dituzte Aurtitzen. Ohi bezala, egitarau zabala prestatu dute.
Azaroak 10, ortzeguna
17:00etan Txupinazoa. Ondotik, kalejira herriko txistulari eta trikitilariekin. 18:00etan herriko gazteen arteko herri kirol desafioa: Goiko barridea, Beheko barridearen kontra. 21:00etan zopak ostatuan.
Azaroak 11, ortziralea
SAN MARTIN EGUNA
10:00etan dianak txistulariekin. 11:00etan Meza nagusia San Martinen ohorez. 12:00etan profesionalen arteko pilota partidua. 14:00etan herri bazkaria, Sebastian Lizaso eta Ander Lizarralde bertsolariekin. Segidan dantzaldia Beñat eta Fernandok alaitua. Arratsaldean haurrendako jokoak frontoian. Ondotik suzko zezena. Gauez gaupasa.
Azaroak 12, larunbata
10:00etan dianak txistulariekin. 11:00etan Herriko eta Ados pilota eskolako gaztetxoen arteko pilota partidak. 17:00etan Mendaur trikitixa eskolaren emanaldia. Ondotik dantzaldia Trikidantz taldearekin. 21:00etan gazte afaria ostatuan. 00:00etan Gaupasa Trikidantz taldeak alaitua.
Azaroak 13, igandea
10:00etan dianak txistulariekin. 12:00etan motozerra erakustaldia, Mikel Lasarteren eskutik. 15:00etan Mus txapelketa. Ondotik, patata tortilla eta postre lehiaketa. Akitzeko, herri afaria soziedadean.
