Iturengo Pulunpa eskola berria «behar bezala» inauguratuko dute bihar

Ttipi-Ttapa 2022ko ekainaren 22a

Estreinatu eta urte eta erdi beranduago bada ere, merezitako ongietorria emanen diote eskola berriari Iturenen.

Joan den urteko ilbeltzean, pandemia bete-betean estreinatu zuten Iturengo Pulunpa eskola berria. Maskarekin, beldurrarekin, segurtasun distantziak betez… Ez zen ametsetako irekiera izan. Hori dela eta, ortzegun honetan, ekainak 23, eskolako bestarekin batera, eskola berriaren irekiera behar bezala ospatuko dute Iturenen.

Egitarau zabala

Egun osoan izanen dituzte ekintzak:

12:00etatik 12:30era joaldunak ibiliko dira eta Aurreskua dantzatuko dute «zinta mozte» ofizialarekin batera. Eguerdian bazkaria izanen dute plazan. Apuntatzeko azken eguna gaur izanen da Herriko ostatuan eta dendan.
17:30etik 19:30era Trikidantzen emanaldia izanen da plazan.
Ondotik guraso elkarteak bokatak salgai jarriko ditu, San Juan suan saltatu aitzinetik indarrak hartzeko.

Pulunpa eskolatik adierazi dutenez, «besta herrikoia izanen denez, denak bertan ikusteko aukera bikaina! Animatu eta parte hartu!».

Hezkuntza Malerreka Ituren

Erlazionatuak

[Bideo osoa] Iturengo eskola zaharretik Pulunpa ikastetxe berrira

Ttipi-Ttapa 2021 urt 12 Malerreka Ituren

Iturengo eskola berriak ateak ireki ditu

Ttipi-Ttapa 2021 urt 30 Malerreka Ituren

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun