Duela bi aste gertatu zen erasoa. N-121-A errepidean autoan zihoanean, Sunbilla parean, tiro egin zioten. Tiroak gidariaren aldeko leiho ondoan jo zuen eta zorionez ez zuen gidaria zauritu. Erasoaren egileak direlakoan, foruzainek emakumearen bikotekide ohia eta haren egungo bikotea atxilotu eta hurrengo egunean epailearen esku jarri zituzten. «Hilketa saiakera» delituaren zantzuak ikusita, epaileak biak behin-behinean fidantzarik gabe espetxeratzeko agindu zuen.
Larunbatean egindako kontzentrazioan hilketa matxista saiakera salatu zuten, eta biktimari elkartasuna adierazi zioten dozenaka lagunek.
