Publiko berezia duela dio, espezifikoa baino konstantea; «joera du, hau da, produktu mota honetan sinesten du eta bertan kontsumitzen jarraitzen du». Produktu ekologikoak saltzen dituzte belar dendan, «ahal den heinean ingurukoak eta garaikoak». Barazki eta frutak, zerealak soltean, infusioak, elikagai osagarriak, kosmetika… eskaintza zabala dute. Honez gain, nutrizio kontsulta ere eskaintzen dute eta Lorea bera arduratzen da.
Sare sozialei eta web orriari ere garrantzia ematen diete Kimetzen, «pandemiarekin batera digitalizazioak gero eta indar haundiagoa dauka eta Interneten egotea beharrezkoa dela iduritzen zait. Gainera garrantzitsua iruditzen zait osasunari inguruko beste ikuspegi bat eskaintzea». Pandemia geroztik, «ongi ari gara lanean, baina eraldaketa bat izan da kontsumitzeko eran, nabari da, gero eta errazago erosten da Internetetik».