2013an Male-Reka izeneko kamisetak serigrafiatuz hasi zuten ibilbide profesionala eta, urteak joan ahala, nabarmen zabaldu dute euren eskaintza komertziala. Berehala laneko arropak pertsonalizatzeari ekin zioten, edozein gremiotako arropetan biniloak eta estanpatuak serigrafiatuz eta baita bordatuak eginez ere: ezkontzetarako gauzak, pilota txapelketetako txapelak… Orain kirol arropen pertsonalizazioa ere egiten dute eta, Sport Maillot markarekin, internetez saltzeko prestatua dagoen webgunea estreinatu berri dute. Eta aurten, Covid-19a dela medio, merkatua zabaltzea erabaki dute. «Garbiketa-produktu industrialak saltzen hasi gara» dio Itziar Martinek. «Orain hidrogelak, maskarak eta garbitzeko produktu industrialak ere saltzen ditugu, landetxeentzat-eta».
Ttipi Txartela
«Laneko arropen eta kirol ekipamenduen pertsonalizazioa egiten dugu»
Itziar MARTIN IBARRA, Doneztebeko Male-Reka dendakoa.
Arropak eta osagarriak serigrafiatu eta estanpatzeaz gain, orain kirol arropen pertsonalizazioa ere egiten dute Sport Maillot markarekin.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun