Ilbeltzak 24, ortziralea
09:00etan Ariztigain kanpinean gosaria. Ondotik herriko gazteak bi taldetan banatuta baserrietako eskea eginen dute Modesto eta Joxe Angel akordeoilariekin. Eguerdian bazkaria eginen dute Exkernekobordan Mendaur aldekoek eta Bustitzen bertzeek. Arratsaldean txokolate jatea. 16:30etatik 19:30era dantzaldia frontoian Alberto Djaren eskutik. 21:30ean eskean dabiltzanen afaria Fondan eta emakumeen afaria Ulibeltzak Elkartean. Emakumeek afalondoan sorpresa izanen dute.
Ilbeltzak 25, larunbata
10:00etan Bustitz ostatuan gosalduta, eskean ibiliko dira gazteak Beñat akordeolariak lagunduta. Ondotik bazkaria eginen dute Fondan. 17:00etatik 20:00etara Disko Festa izanen dute Ulibeltzak Elkartean Alberto Djarekin. Gauean gazteek Elortxuri jatetxean afalduko dute.
Ilbeltzak 26, igandea
11:00etan karrozen desfilea. Desfileko denboran opilak, gaztainak, tortilla eta ardoa banatuko dituzte. Desfilea bukatutakoan, bi magren eta bildotsaren zozketa. 14:30ean bazkaria Ulibeltzak elkartean eta bazkalondoan dantzaldia Hauspolariek taldearekin.
