Azaroak 25

Azaroaren 25aren bueltan hainbat ekitaldi izanen dituzte Donezteben ere

Joan den urtean Donezteben egin zen elkarretaratzea, azaroaren 25aren harira.

Ortziralean elkarretaratzea eta dokumentala izanen dituzte eta igandean haurrendako tailerra

 

Azaroaren 25a Emakumeenganako Indarkeriaren Aurkako Nazioarteko Eguna dela eta, egun horren bueltan hainbat hitzordu izanen dira. Azaroaren 22an, genero indarkeria salatzeko elkarretaratzea eginen dute biribilgunean, ortziralean 12:00etan. Egun berean, Irungo emakumeak plazara dokumentala ikusteko aukera izanen da zineman, 20:00etan.

Asteburua borobiltzeko, hilaren 24an, Berdintasunari Konta eta Kanta haurrendako tailerra antolatu dute. Herrigunean eginen dute, igandean 11:30ean.

Gazte Burrunbak, bere aldetik, emakumezko bertsolariekin bertso-afaria antolatu du azaroaren 30erako. 20:30ean bertso-poteoa eginen dute eta 21:30ean afaltzeko bilduko dira Herriko Ostatuan. Sarai Robles, Saioa Alkaiza eta Julio Soto ariko dira bertso-kantari, Maialen Belarra gai-jartzaile dutela.

Afarirako txartelak Titi ostatuan eros daitezke; Gazte Burrunbako bazkide direnek 20 eurotan eta bazkide ez direnek 25 eurotan.

Erlazionatuak

Azaroaren 30erako afari txartelak salgai paratu ditu Gazte Burrunbak

Malerreka Doneztebe

Txartelak azaroaren 26ra arte daude salgai eta 80 baino ez dituzte salduko Gazte Burrunba Kultur Taldeak, Udalaren laguntzaz, Emakumeenganako Inda...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun