Patxi Bertizek eta Ainhoa Irisarrik irabazi dute Elgorriagako bestetako toka txapelketa

Ortziraleko gazte bazkarian 18 lagun bildu ziren. Arratsaldean gaztetxoentzako apar besta eta ipuin-kontalaria izan zituzten eta iluntzean zopak jan zituzten, Herriko Ostatuan. Larunbatean partxis txapelketa, paella jatea, mus txapelketa herrikoia, tribial jokoa... izan zituzten. Igandea toka lehiaketarekin hasi zuten eta Patxi Bertiz eta Ainhoa Irisarri izan ziren trebeenak. Zikiro jateak ez zuen hutsik egin eta segidan Beñat eta Fernandok girotu zituzten bazterrak. Afalondoan akitu zituzten bestak.