Leitzako bi argazki hauen artean 70 urte pasatu dira

Fabrikak izugarri aldatu zuen Leitza. Patxi Arrazola industrialari zestoarraren eskutik 1959ko otsailaren 1ean, bi urte obratan pasatu ondotik, hasi ziren lanean Leitzako paper fabrikan. Justu fabrika altxatzen hasi aurreko egoera erakusten du 1956an airetik hartutako argazki honek. Bizilagun kopurua ere irauli zuen lantegi berriak, eta, geroztik, 1960an 1.626 biztanle izatetik 2025ean 3.025 izatera pasatu da herria. Beheko argazki-leihoa ezker eta eskuin mugituz ederki ikusten da lurraren okupazioak nolako bilakaera izan duen 70 urteotan.