Ilbeltzak 24, ostirala
Eguerdi partean, Erleta eskolako ikasleek kalejira eginen dute.
Ilbeltzak 25, larunbata
14:00etan eskelarien bazkaria eginen dute Aurrera Elkartean. 16:00etan herriko auzoetako eskea eginen dute txistulari eta trikitilariekin. 23:30ean Atekabeltz gaztetxean hasiko da festa eta brindisa eta karaokea eginen dituzte. Ateka Luxury izenpean, luxuzko hotel baten itxura emanen diote aurten gaztetxeari. Bertan bilduko dira ate irekiera ospatzera joandako dirudunak eta soinean zerbait horia eramanen duten erresistentziako kideak.
Ilbeltzak 26, igandea
Leitzako kale nagusian gurdi eta mozorro desfilea eginen dute eguerdian. 12:00 aldera hasiko da eta Incansables txarangak girotuko du. Txutxu trena ere ibiliko da. 14:30ean bazkaria eginen dute eskolako jangelan eta bazkalondoan bingo musikatua eginen dute. Ondoren, Incansables txarangararekin erronda eginen dute. Arratsaldean, 16:00etatik 18:00etara Txutxu trena ibiliko da berriz ere eta iluntzean, 19:00etatik 21:00etara, musika izanen da karrapean Joxe Mendizabalen eskutik.
Ilbeltzak 27, astelehena
09:00etan Gorriztaran, Arkixkil, Erreka eta Sakulu auzoetako eskea eginen dute txistulariekin eta Incansables txarangarekin. 17:00etan kalejira eginen dute plazatik hasita trikitilariekin eta bukaeran txokolate jana plazan. Karrapean musika izanen da Xaibor DJarekin, 19:00etan 22:00etara.
Ilbeltzak 28, asteartea
09:30ean Erasote auzoan eskea eginen dute herriko txistulariekin. Pilotalekuan puzgarriak jarriko dituzte 11:00etatik 14:00etara eta 16:00etatik 18:00etara. Iluntzean, atsaure kalejira eginen dute, 18:30ean herriko plazatik aterata. Bukatzeko, Muxutruk erromeria taldea ariko da karrapean, 20:00etatik 21:30era eta 23:30etik 01:00era.
Ilbeltzak 29, asteazkena
Ekain pailazoak Arlote bat ikuskizuna eskainiko du Leitzako Herriko Aretoan, 17:00etan .
