Zerbitzu ugari eskaintzen dituzte: «iturgintza eta saneamenduko edozein instalazio, berogailuak energia tradizional eta berriztagarriekin, etxebizitzen isolatzeetan esku hartzeak galdara eta instalazioak ateratzeko… gainera, etxebizitzen salerosketan eskatzen dituzten ziurtagiri energetikoak egiten ditugu, baita Nafarroako eta Gipuzkoako dirulaguntzen tramitazioak ere». Izan ere, Leitzan eta inguruko herrietan lan egiteaz gain, «Gipuzkoan ere asko ibiltzen gara: Andoain, Donostia, Lasarte…».
Berogailuei dagokienez, «hemen ohitura handia dugu egurrarekin lan egiteko, eta gaur egun beheko sua berogailura konekta daiteke etxe guzia berotzeko. Hala ere, energia berriztagarriez edo pelletaz galdezka etortzen zaigu jendea, eta azken aldian inguruan aerotermia jartzen hasi gara».