Denda historikoa da Leitzako Hernandorena burdindegia, 81 urte bete baititu aurten. Garbiñe Hernandorenak azaldu duenez, «gure aitona-amonak ireki zuten, eta orduan herriak bi denda bakarrik zituenez, denetik saltzen zuten: burdindegiko gauzak, janaria, lastoa, taberna ere bazen… urteak pasatuta, burdindegian eta etxeko gauzetan espezializatu zen».
2014an hartu zien lekukoa gurasoei Hernandorenak, «etxetik hurbil lan egin eta herriari zerbitzua eman ahal izateko». Gaur egun, «burdindegi eta elektrizitateko gauzak, pintura, lorategiko produktu eta landareak, arropa, etxeko gauza… saltzen ditugu».
Baina salmentaz harago, hainbat zerbitzu eskaintzen ditu: «sarrailagintza, makineriaren alokairua, garraioak furgonetarekin… beti prest zerbait egiteko. Eta jendeak ere asko eskertzen dituen zerbitzuak dira».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.