Atzo zabaldu zuen TTIPI-TTAPAk enpresa pribatu batek Goizueta, Arano eta Hernani artean neurri haundiko poligono eoliko bat eraiki nahi duela, Sustrai Erakuntza Fundazioak horren berri emanez prentsa oharra zabaldu ondotik. Fundazioak gaineratu duenez, kasu honetan, Espainiako Gobernua ari da proiektua tramitatzen, «azpiegituraren tamainagatik eta bi autonomia erkidegori eraginen dielako».
Goizueta eta Aranoko udalei ez diete komunikaziorik bidali
Gaiaren harira, Unai Miranda Goizuetako eta Joxan Ruiz Aranoko alkateekin mintzatu da TTIPI-TTAPA, eta biek adierazi dute oraindik ez dutela proiektuaren inguruko informaziorik hartu; jakin dutena prentsaren bidez ikasi dutela.
