Ordu erdiz, Zortziko, Lekun, Zortzinango, Banango, Binango, Launango, Makildantza, Ezpatadantza eta Txarrakua dantzatu zituzten Garazi Erbiti, Alaitz Oiartzun, Asier Barriola, Andoni Amadoz, Miel Olano, Maria Sagastibeltza, Uxue Sanchez eta Ander Alduntzin ezpata-dantzariek, txistularien agindupean.
Horretaz gain, egun handian behiak eta zezenak izan ziren entzierroan eta plazan, goizean eta arratsaldean, Incansables txaranga ibili zen, zazpi emakumek herri kirol ikuskizuna eman zuten eta gauez Ingurutxoa ere dantzatu zen plazan eta zezensuzkoa atera zen.
Oraindik, asteburu luze honetako lau egun eder gelditzen dira eta egitarau zabala.
