Ttipi Txartela

«Konfinamenduarekin etxean berrikuntzak egiteko ordua izan zen askorentzat»

Duela 80 urte ireki zuen Gaztelu Iturgintza Arantxa Agirreren aitonak Leitzan. Negozio familiarra izan da geroztik; «gure gurasoek hartu zuten ondotik eta orain anaiak eta nik. Enpresa ttikia da, sei langile gaude orain, baino gehiago izan zituen duela urte batzuk».

Nafarroan zein Gipuzkoan mota askotako zerbitzuak eskaintzen dituzte: komunen eraberritze osoak, gas eta berokuntza instalazioak, berokuntza sistema ugariak, saneamenduak, biomasa instalazioa, etxe barruko aireztapena… «denetik egiten dugu».

Pandemia garaian geldialdia egin behar izan zuten, «baino geroztik lan asko eduki dugu. Jendeak denbora asko pasatu zuen etxean eta berrikuntzak eta hobekuntzak egiteko ordua izan zen askorentzat».

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun