Produktuen eskaintza zabala dauka; garbiketarako gaiak, pinturak, esmalteak, brotxak, etxeko tresneria, perfumeria, kosmetika, gehigarriak… «hainbat sekzio dituen drogeria bat da». Sasoika funtzionatzen du dendak; «udaberri eta udan asko saltzen dira etxeko garbiketareko produktuak eta pintura eta berniza, jendeak orain asko erabiltzen dituenak. Eguberri aldera gehiago poltsak, lepo-zapiak, gehigarriak eta perfumeak eskatzen dizkigute». Orain ekologiaren aldeko apustua egin du Algortak bere produktuekin; «pintura biojasangarriak, garbikari eta esmalte ekologikoak… Jendea gero eta kontzientziatuagoa dago ekologiarekin eta produktu onak direnez, ongi saltzen dira».
Audrey Hepburn dute Garbin erreferente; «emakume xumea baina elegantea zen. Aktorea izateaz gain jendea laguntzeko prest zegoen emakumea zen, langilea eta pertsona ona. Horregatik dugu guk eredu».