Otsailak 23, igandea
17:00etan gaztetxoen zahagi dantzarekin hasiko dituzte inauteriak. 18:00etatik 21:00etara dantzaldia izanen dute Leire eta Maria trikitilariekin eta 21:30ean mozorroen afarian biharamunerako indarrak hartuko dituzte.
Otsailak 24, astelehena
08:00etan mozorroak baserrietara abiatuko dira. 10:00etan konpartsakoek plaza apainduko dute. 11:30ean gosaria. Gero, Zirkua gaitzat hartuta, herrian konpartsa izanen da. Eguerdian ume eta helduen bazkaria. 14:00etatik 16:30era umeek tailerrak eta zinema emanaldia izanen dituzte Goxalin. 18:00etan txokolate jatea eta dantzaldia izanen dute Gorka eta Garazirekin. Ilunabarrean mozorroen etorrera. 22:00etan mozorroen afaria.
Otsailak 25, asteartea
09:00etan mozorroen gosariak alaituko du herria eta 10:00etan mozorroak dantzan ibiliko dira herriko kaleetan barna. 14:30ean bazkaltzera joanen dira eta 17:30ean zahagi dantza izanen da Motzanetik hasita. 18:30etik 21:30era Txoko DJa 22:00etan mozorroen afaria.
Otsailak 29, larunbata
13:00etan poteo musikatuarekin hasiko dute eguna, Igandea txarangako kideak gonbidatu dituzte. 14:30ean mozorroen bazkaria izanen da eta 17:30etik aurrera, txarangaren erritmora bukaera emanen diete inauteriei.