Lesakako Irain eskolako IkasNova gelaren aurkezpen publikoa eginen dute otsailaren 20an

Lesakako Irain eskolako IkasNova ikasgela berritzailearen aurkezpena egin zuten otsailaren 4an. Eskualdean gisa honetako lehen ikasgela izaki, hezkuntza munduari egindako aurkezpena izan zen ordukoa eta orain, otsailaren 20an, ortzegun arratsaldean, jendaurreko aurkezpena egiteko asmoa dute.

Ortzegunean 15:30ean hasiko da ekitaldia eta haurtzaindegi zerbitzua ere izanen da. 15:20an ongi etorria eginen dute. 15:30etik 16:00etara gelaren funtzionamendua ikusiko dute. 16:00etatik 16:30era Irain Eskolak IkasNova gela lortzeko bizitu duen prozesuaren azalpena eginen dute eta 16:30ean agurra. Irain eskola publikoak antolatu du aurkezpena, Lesakako Udalaren eta Nafarroako Gobernuaren Hezkuntza Departamentuaren laguntzarekin.