Zuzeneko salmenta bidez saltzen duten ekoizleez gain, bileran tokiko produktuak saltzen dituzten txikizkako salmentako establezimenduetako kideak eta jatetxe-arloan aritzen diren profesionalak ere bildu ziren.
Nafarroako Gobernuak Kanal Laburren Foru Legean egindako aldaketak azaldu zituzten bertan. Aldaketarik nabarmenena da legeak zehazten duela bereizgarri baten bidez zehazten ahal dela dendak, harategiak, jatetxeak, jantoki kolektiboak edo nekazalturismoak zuzenean erosi diola ekoizleari
Legeak, gainera, bi logotipo berri sortu ditu: salmenta zuzena adierazten duena, urdina, eta hurbileko salmenta adierazten duena, horia. Elizondon aurkeztu zituzten ekainean.
Solasaldian ekoizleek merkaturatzeko bide laburren erregistroan izena emanez gero izan ditzaketen abantailak ere azaltzen dira. Horrela, logotipoari eta web orri berriari esker gehiago ikusteaz eta sustatzeaz gain, bi salmenta-kanal horiek bultzatzeko laguntzak izango dituzte eta merkaturatzeari buruzko prestakuntza jasoko dute.
Berako aurkezpenaz, gain, Tuteran, Arruazun eta Arizalan aurkeztu dute legea eta bertze hainbat lekutan ere aurkeztuko dute.
