Bertzeak bertze, Bortzirietako Euskara Mankomunitateko kideak, Berako EH Bildukoak eta ezker abertzalekoak, Harrera Sarekoak, LABekoak, pentsionisten mugimendukoak eta Labiaga Ikastolakoak mintzatu ziren.
Musikak ere izan zuen protagonismoa Kuxkuxtu txarangako lagunak, Joseba Irazoki eta Beñardo Goietxe, Ekhiñe Zapiain, Gerardo Ros eta Ixiar Elortza aritu ziren kantuan. Errautsak bota zituzten, eta aurreskua ere dantzatu zioten.
Lore eskaintza egin zioten eta ekitaldia bukatzeko Internazionala eta Eusko Gudariak kantatu zuten.
Jende aunitz bildu zen Otsandan, horietako aunitz Beratik oinez elkarrekin joan ziren.