Kanttonberriko lanak herritarrei aurkezteko bilerak eginen dituzte Beran asteazkenean eta ortzegunean

Aurten eta heldu den urtean herria eraldatuko duten hiru proiektu eginen dituzte Beran. Horien artean lehenengoa Kanttonberriko eremukoa izanen da, eta aste honetan aurkeztuko dute herritarren aitzinean Beralandetan. Asteazkenean, urtarrilaren 10an 20:00etan gune horretako merkatariekin bilduko dira, eta ortzegunean 19.30ean aldiz, herritar guztiei zuzendutako bilera eginen dute.