Berako gazteari egindako autopsiak erakusten du karbono monoxidoa arnasteagatik hil zela. Guardia Zibilak hasieran emandako informazioaren arabera, gailu elektroniko batek oheburuan sua piztu eta erredura larriak eta bihotz eta arnas geldialdia eragiteagatik hil zela erran bazuen ere, autopsiak dio erredurak ez zirela hilgarriak izan, eta funtsean, keak sortutako karbono monoxidoa arnasteagatik hil zela.
Guardia Zibilaren ikertzaileek orain zehaztu dutenez, sutearen jatorria korrontean entxufatutako gailu elektroniko batean edo logelako instalazio elektrikoan egon daiteke. Zernahi dela, garbi omen dago «logelako sutea oheburuan hasi zela, eta erredurek bihotz eta arnas geldialdia eragin ziotela zendutako gazteari, baina heriotzaren arrazoia karbono monoxidoa arnastea izan zela».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
