Trini Mikelarena Peña beratarrak ‘Como la vida misma’ liburua argitaratu berri du, Letrame argitaletxearen bitartez. 30 kontakizun labur idatzi ditu gaztelaniaz, batzuk bere bizitzarekin zerikusia dutenak. Lehen aldiz helduei zuzendutako liburua argitaratu du Mikelarenak, lehendik euskaraz, gaztelaniaz eta ingelesez idatzitako eta berak ilustratutako Hegaka ez zekien txantxangorria eta Sagarroi gazte baten egunkaria haurrendako liburuen ondotik.
Esku artean bertze proiektuak badituela ere aipatu digu Mikelarenak, «bai helduentzat, bai haurrentzat idazteko». Bien bitartean, Jokin Armanekin batera kudeatzen duen Armi galeriako erakusketekin ere segitzen du. Orain, Helena Elbusto artistaren hamasei margolan zintzilikatuak dituzte Berako Suspela auzoko 1. zenbakian.
