Datorren larunbatean, Berako XVI. Mendi Eguna dela eta, Santa Barbarako gailurrean jartzen den hornidura likidoko puntuan, plastikozko edalontziak ahalik eta gutxien erabiltzeko proba pilotua eginen du Manttale Mendi Lasterketa taldeak. Korrikalari bakoitzak plastikozko edalontzi berrerabilgarri bat jasoko du dortsalarekin batera, erlojuaren kontrako lasterketan eraman beharko duena.
Proba pilotu bat egitea da helburua, apirilaren 16an eginen den Berako Mendi Maratoi Erdira begira, erabilera bakarreko ohiko plastikozko edalontzien erabilera ahalik eta gehien murriztu nahi baitute.
Neurri honen helburua Manttalek antolatzen dituen lasterketak ingurumenaren arloan jasangarriagoak izatea da, hauek egiten diren ingurune naturala zaintzeko.
