Lau egunez arras itxiko dute Berako Plaza Zaharrera sartzeko bidea, Kalbario erreka kanalizatzeko lanak egiteko

Berako udalak Plaza Zaharreko eta handik goiti dauden baserrietako bizilagunei jakitera eman dienez, azaroaren 22tik 25era, biak barne, ezin izanen dute ibilgailuekin etxeraino joan. Zehazki, astearte goizeko zortzietatik ortzirale arratsaldeko seiak bitarte, arras itxiko dute bidea eta ibilgailuak Berako Plazan edo inguruan utzi beharko dituzte.