Ttipi Txartela

«Udan jendeak disfrutatu nahi du, errutina galduz eta bertze modu batean entrenatuz»

Ttipi-Ttapa 2022ko uzt. 20a, 12:00

2008ko martxoan ireki zen Lesakako kiroldegia eta geroztik bertan ari da lanean Ana Pikabea. Hainbat zerbitzu eskaintzen dituzte, «kirola egiteko eta mugitzeko aukerarekin baina baita erlaxatzeko ere». Horretarako gimnasioa, igerilekua eta gune termala dituzte.

«Denetik» egin daiteke kiroldegian; «spinning, pilates, esekidura bidezko entrenamendua, aktibitate gidatuak, gimnasia, akuaerobika… gainera, bi igerileku ditugu igeri egiteko eta jolasteko eta gune termala saunekin, erlaxatzeko eta zaintzeko». Honez gain, bizikleten alokairu zerbitzua ere eskaintzen dute Katea Bikeren kolaborazioarekin.

Zerbitzuen eskaintza sasoiaren araberakoa izaten da, «aktibitate gidatuak neguan puskaz gehiago izaten dira eta udan gehiago kanpoko igerilekuan ibiltzen dira. Udan jendeak disfrutatu nahi du, eguneroko errutina galduz eta bertze modu batean entrenatuz». Orain egunero irekitzen dute kiroldegia, 10:00etatik 21:00etara, eta eguraldiaren arabera, kanpoko edo barneko igerilekua erabiltzen dute.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun