Elizondoko Iñaki Atxaren Baztan Bidasoako oihan hezeak (sic) dokumentala ekainaren 17an, ortziralean 19:00etan, ikusgai izanen da Etxalarko kultur etxean. Jende orori zuzendua da eta doan ikusi ahal izanen da.
Atxa, ikus-entzunezkoetan ibilbide luzea duen profesionala da. Azken lan honetako protagonista Kirik urtxintxa da eta berak gidatuko du ikuslea lau urtaroetan barrena. Urtaro bakoitzari dagozkion paisaien irudiak ikusiko dira eta bertan bizi diren animalia basatien egunerokoa nolakoa den ezagutzeko aukera izanen du ikusleak.
Lan honekin, Sobrarbeko Dokumental Etnografikoaren Nazioarteko Jaialdiko Espiello Agora x l’aragonés saria irabazi du Atxak.
